Policia e Korçës ka prangosur një 27-vjeçar pasi ai i ka grabitur nga qafa një gruaje dy varëse floriri. Ngjarja ka ndodhur në lagjen 12 të qytetit të Korçës teksa gruaja me iniciale K.S ka qenë duke ecur rrugës por papritur asaj i janë vjedhur dy varëset nga 27-vjeçari. Menjëherë ka ndërhyrë patrulla e policisë e cila ka prangosur në flagrancë hajdutin Skerdi Malësia 27-vjeç.
Policia
Specialistët e Seksionit për Krimet, në Komisariatin e Policisë Korçë, bënë kapjen dhe arrestimin në flagrancë të shtetasit :
Skerdi Malësia, 27 vjeç, banues në fshatin Vashtëmi.
Arrestimi i tij u bë pasi dyshohet se ky shtetas, dje në lagjen nr 12 në Korçë, i ka vjedhur nga qafa dy varëse floriri shtetases K.S, banuese në Korçë.
Materialet i kaluan Prokurorisë të Rrethit Gjyqësor Korçë, për veprën penale: “Vjedhja” parashikuar nga neni 134 i Kodit Penal.
ma.me
