7 biznesmenë, një isnpektore e tatimeve dhe 4 kompani janë proceduar penalisht në gjykatën e Korçës pas shmangën një shumë prej 1.5 milionë dollarësh detyrime tatimore ndaj shtetit.
Skema e mashtrimit ishte krijuar nga Foto Kapurani shprehet prokuroria, e cila me anë të shit- blerjeve fiktive kishte shmangur tatimin për 45 mijë ton beton, i shitur përmes kompanive të drejtuara nga Kapurani dhe familjarë të tij.
“Në qendër të kësaj skeme mashtruese qëndron shtetasi Foto Kapurani, administrator i disa kompanive në fushën e betonit dhe hotelerisë. Ky shtetas, së bashku me miq dhe bashkëpunëtorë të tij, kanë krijuar disa kompani, në të cilat kryenin shit-blerje fiktive betoni, me qëllim shmangien e detyrimeve tatimore.” thuhet në njoftimin e prokurorisë.
Në sitën e prokurorisë kanë kaluar kompanitë Kapurani Vjara, Beci Kompani, Kapurani Trans, dhe Four Beton, kompani të cilat sipas akuzës janë përdorur në skemën e mashtrimit me TVSH.
Të pandehurit janë:
- Foto Kapurani,
- Vangjush Çerepi,
- Sotiraq Beçi,
- Jorgji Ziko,
- Erion Berberi,
- Arjan Seferi,
- Dhimitri Metellari,
- Donika Dimareli, Inspektore tatimesh Korçë”
