Policia e Korçës në vijim të operacionit ku u sekuestruan 880 kg lëndë narkotike më 28 shtator ka ndaluar edhe dy persona të tjerë.
Njëri prej të ndaluarve është shtetasi Alket Zaimaj, ishte shpallur në kërkim për prodhim dhe shitje lëndësh narkotike, ndërsa personi tjetër është 16-vjeçar me inicialet O.Gj., i cili është shoqëruar nga uniformat blu me akuzën e moskallëzimit të krimit.
Në operacionin policor të koduar me emrin “Prita”, policia e Korçës kapi 880 kilogramë hashash dhe arrestoi katër persona, Mario Voda, 33 vjeç nga Pojani, Skënder Nakoleci 41 vjeç nga Sheqerasi, Bledar Emini 34 vjeç nga Bulgareci dhe 22-vjeçari Marsel Bakollari nga fshati Dushar i Korçës.
