Në orët e para të mëngjesit disa persona ende rtë paidentifikuar kanë bërë një grabitje shtëpie në Korçë në fshatin Lumalas. Policia bën me dije se kanë qenë 3 persona që kanë grabitur banesën e një të moshuari me inicialet I.SH. Autorët kanë hyrë nga dritarja e dhomës së gjumit dhe kanë grabitur një sasi parash.
NJOFTIMI I POLICISË
Në datë 30 tetor 2016, rreth orës 03:00, policia u njoftua se në fshatin Lumalas, Korçë, ne banesën e shtetasit I.Sh, 60 vjeç, kanë hyrë 3 persona të maskuar.
Nga hetimet paraprake, dyshohet se autorët kanë hyrë në dhomën e gjumit dhe nën presionin e armës kanë mundur të marrin ne dy kasaforta një shumë parash. Shtetasi I.Sh, ka një aktivitet privat në fushën e tregtisë. Në momentin kur ka ndodhur ngjarja, në banesë ndodheshin vetëm çifti i bashkëshortëve. Lidhur me ngjarjen, grupi hetimor po kryen verifikimet përkatëse, po punohet për identifikimin dhe kapjen e autorëve, si edhe zbardhjen e rrethanave të ngjarjes./java/a.k
