Ashtu siç është bërë traditë tashmë, para çdo seance parlamentare dy drejtuesit kryesor të koalicionit qeverisës kanë zhvilluar një takim koordinues midis tyre.
Kryeminsitri Edi Rama i është drejtuar zyrës së kryetarit të Parlamentit Ilir Meta në kryesinë e Kuvendit, ku kanë diskutuar për rreth 25 minuta çështjet kryesore të aktualitetit politik dhe qëndrimin për rendin e ditës në seancën parlamentare të së enjtes.
Takimi vjen vetëm një ditë pasi Rama njoftoi ndryshimet e dy ministrave në qeveri. Nuk dihet qëndrimi i LSI për këto zëvendësime, por kjo forcë ka artikuluar prej kohësh nevojën e ndryshimeve në qeveri.
