Që nga ardhja e LaCivita në vendin tonë dhe “marrjes në patronazh” të fushatës së PD për zgjedhjet e 11 majit, të Chris LaCivita, në rrjet kanë shpërthyer memet mbi ngjashmërinë e këtij të fundit, me deputetin e Partisë Socialiste Vullnet Sinaj.
Së fundmi, në rrjet është shpërndarë një video ku janë shfrytëzuar pamjet nga një postim I deputetit Sinaj i cilin shkruante “Drejt fitores së madhe të Partisë Socialiste dhe mandatit tim të tretë, në zgjedhjet e 11 majit, bashkë me qytetarët dhe për qytetarët”.
Ndërkohë në videon e shpërndarë nga faqe të ndryshme, dukshëm të gjeneruar më Inteligjencën Artificiale, shihet deputeti Sinaj ku prezantohet si Lacivita, dhe shprehet se pagesën për fushatën e ka marrë nga Berisha dhe Mediu, por se kur erdhi në vendin tonë ka parë një Shqipëri të lulëzuar e për pasojë ka ndërruar mendje duke bërë thirrje për votimin e numrit 5, pra PS në zgjedhjet e 11 majit.
“Erdha në Shqipëri pasi mora pagesën nga Berisha dhe Mediu, por pasi erdha këtu pashë një vend të zhvilluar, kaq shumë turistë këtu, Mbi 10 mln vetëm vitin që kaloi. Ekonomia është duke u përmirësuar njerëzit e duan progresin. Ndërsa kontrata ime është me Berishën duhet të tregohem i sinqertë e t;ju them se vota ime do të shkojë për Edi Ramën”, thuhet në video.
Kujtojmë se më parë Sinaj ka reaguar për ngjashmërinë e tij dhe Chris LaCivita, duke e quajtur sozi.
Në studion e News24 ai u shpreh se nuk ka asnjë problem me këtë fakt.
“Nuk kam problem me kundërshtarin LaCivita, nuk më lidh gjë me atë, por kam parë nëpër media që kanë shkuar dhe kam para foton që kemi një ngjashmëri, jemi si sozi të njëri-tjetrit,” tha Sinaj.
