117,000 doza të vaksinës Pfizer kanë mbërritur sonte në aeroportin e Rinasit. Lajmi u bë me dije nga Ministrja e Shëndetësisë, Ogerta Manastirliu, ndërsa vaksinat e mbërritura janë pjesa e parë dozave nga kontrata prej 500 mijë dozash që do të vijnë brenda vitit.
“Po ndodh, mbërrijnë 117,000 doza të vaksinës Pfizer, pjesë e kontratës së dytë prej 500 mijë dozash që do të vijnë brenda vitit”, shkruan Manastirliu.
Kjo marrëveshje është votuar para disa ditësh në Kuvend me dakordësinë e të dyja palëve, PD dhe PS, ku këto doza të vaksinës Pfizer, që i kanë kushtuar buxhetit të shtetit 6 milion dollarë, do të shërbejnë për vijimin e vaksinimit masiv në vend.
