Ish-ministri i Transporteve Edmond Haxhinasto ka deklaruar në parlament se i qëndron atyre që ka deklaruar kur ishte ministër, lidhur me taksën për Rrugën e Kombit.
Teksa sot partia e tij shprehet kundër taksës, ai thotë se qëndrimi i tij ka qenë për një tarifë më të ulët. Por edhe në përllogaritjet që bën shkon sërish pranë tarifës së vendosur.
“I përmbahem atyre që kam bërë kur kam qenë ministër, edhe për rastin konkret, por dua të bëj disa sqarime. E para ka të bëjë me tarifën. Për atë kohë propozimi u bë të ishte tarifë më e ulët se rajoni. Sipas kilometrave ajo që propozohej ishte 3.82 euro, shto 20 %, shkon 4.6 euro. Ajo që kam thënë ka të bëjë me tarifën për kilometër”, thotë ai./a.m.
