Sot është dita e parë e konkurrimit të aplikantëve për të ndjekur studimet për shkollën Bazë të Policisë, për Patrullë të Përgjithshme.
Numri i aplikantëve që plotësuan kriteret për të ndjekur fazat e mëtejshme të konkurrimit është 5012, nga këta 4536 meshkuj dhe 476 femra.
Mosha mesatare e tyre është 23.9 vjeç dhe rreth 800 prej tyre janë me arsim të lartë.
Faza e parë e konkurimit, testimi me shkrim zhvillohet në datat 15 Mars, 16 Mars, 17 Mars dhe zë 70 % të pikëve.
Më pas konkurrentët do t’u nënshtrohen fazave të tjera, që janë
testimi i aftësive fizike – 20 %, intervista me gojë – 5 %, testimi psikologjik – 5 %.
Në përfundim të gjithë procesit do të përzgjidhen 300 kandidatë fitues, nga të cilët 90 femra dhe 6 vende janë minoritetet.
Kur nuk plotësohet kuota e përcaktuar për gjininë më pak të përfaqësuar dhe minoritetet, do të merren në rend zbritës aplikantët, të cilët përfaqësojnë po këto kategori, por që duhet të kenë arritur minimumin e pikëve për t’u shpallur fitues.
