Një ngjarje e pazakontë ka ndodhur në Elbasan ku dy persona ka shtyrë drejt veprës penale dy të mitur për arsye të konkurencës në biznes. Mësohet se shtetasit Aurel Braçja, 24 vjeç, dhe Ymer Braçja, 54 vjeç të dy banues në Elbasan, kanë paguar dy të mitur për të shkatërruar biznesin e një 56-vjeçari. Ata janë prangosur ndërkohë ndiqen në gjendje të lirë edhe dy të mitur. Këta të fundit shkatërruan objektet e një këndi lojrash.
Policia ka filluar procedimin penal në gjendje të lirë ndaj dy të miturve, K.K, 15 vjeç dhe J.P, 16 vjeç, të dy banues në Elbasan.
Materialet i kaluan Prokurorisë së Rrethit Gjyqësor Elbasan për veprime të mëtejshme për veprën penale “Shkatërrimi i pronës kryer në bashkëpunim” dhe “Shkatërrimi i pronës me zjarr, mbetur në tentativë”./a.m.
