Po mbahet sot në 7 maj sesioni i hapjes të Kongresit Botëror të Ligjit. Ky Kongres do të mbahet në kryeqytetin shqiptar vitin e ardhshëm.
Fjalën i pari e mbajti ministri i Drejtësisë Toni Gogu.
“Jetojmë në një kohë, kur demokracia është duke u vendosur në provë. Duhet të bëjmë çdo gjë, që drejtësia të jetë më e fortë se qeveria. Nuk është e lehtë të reformosh vetveten. Kjo nuk bëhet sa hap dhe mbyll sytë, por do kohën e vet. Kjo është sfida më e madhe e kohës sonë, që të ruajmë besimin tek drejtësia.
Këtu qëndron dhe rëndësia e mbajtjes së Kongresit Botëror të Ligjit, që mbahet vitin tjetër në Tiranë. Shteti i së drejtës mbahet gjallë nga besimi i qytetarëve tek institucionet. 10 vite më parë, Shqipëria ndërmori një reformë të vështirë. Si çdo reformë e rëndësishme, do kohën e vet, që të japë rezultatet, që duhen”, tha ministri Gogu.
