Tensionet në Maqedoni nuk janë ulur.Nikola Gruevski vazhdon ta kontestojë shumicën parlamentare, e cila një ditë më parë zgjodhi Talat Xhaferin për kryeparlamentar, vendim pas të cilit protestues antishqiptarë pushtuan sallën plenare dhe lënduan shumë deputetë, e më së rëndi Ziadin Selën, shkruan Koha Ditore.
Bashkëpartiakët e Selës e kanë kualifikuar terrorist aktin, i cili nuk është penguar nga policia.
Agim Nuhiu, ministër i Punëve të Brendshme, është ankuar për sabotim nga ish-ministri Mitko Cavkov, i cili e drejtonte shtabin operativ për menaxhimin e protestës.Lidershipi shqiptar ka alarmuar se rrëshqitja e konfliktit politik në atë ndëretnik mund ta cenojë Maqedoninë.
E në Kosovë kanë theksuar se zhvillimet në fqinjin jugor varen posaçërisht nga reagimet në Tiranë dhe në Prishtinë. (b.an)
