Një person është plagosur me thikë pas një sherri për motive pronësie. Policia sqaron se ngjarja ka ndodhur mesditën e sotme në resort në Malin e Morvës në Korçë.
Sipas policisë i plagosuri u dërgua në spital, ndërsa u arrestua autori i dyshuar.
“Më datë 23.08.2021, rreth orës 12:15, jemi njoftuar se në afërsi të një resorti në Malin Moravë, Korçë, gjatë një konflikti për motive pronësie shtetasi A. R., dyshohet se ka dëmtuar me mjet prerës shtetasin S. M., banues në Korçë, i cili u transportua për mjekim në Spitalin e Korçës.
Shërbimet e policisë, shkuan menjëherë në vendngjarje dhe bënë të mundur kapjen e autorit të dyshuar dhe shoqërimin e tij në ambientet e Komisariatit për veprime të mëtejshme”, thuhet në njoftimin e policisë.
Ndërkohë grupi hetimor po punon për të zbardhur rrethanat e ngjarjes.
g.kosovari
