Ne mbledhjen e sotme të Konferencës së Kryetarëve kryetari i grupit parlamentar të PS, Taulant Balla ka propozuar që data 30 maj të jetë raundi i tretë për zgjedhjen e Presidentit.
Kujtojmë që dy raundet e para për zgjedhjen e presidentit kane dështuar, pasi opozita nuk ka paraqitur asnje kandidature. Sipas marreveshjes qe u arrit, ne tre raundet e para propozimin duhet ta beje opozita.
“Raundi i radhës, 30 maj ora 10:00. Shpresoj të kemi votim dhe zgjedhjen e presidentit”, tha Balla.
Ndërkohë kryetari i Partisë Republikane, Fatmir Mediu i bëri thirrje opozitës që të dalë me një kandidat të vetëm.
“Ka ardhur koha që opozita të dalë me një kandidaturë të vetme me integritet. Ne duhet të kishim çuar një kandidaturë. Para se të kërkojmë përgjegjësi tek pala tjetër duhet të kërkojmë përgjegjësinë te vetja jonë”, tha Mediu.
Ndërsa Mesila Doda u shpreh se nuk është koha për ora dhe data, por duhet të ketë propozime konkrete.
g.kosovari
