Kryeministri Edi Rama ka folur publikisht për lehtësimet që ka vendosur Ministria e Shëndetësisë për koronavirusin dhe i është përgjigjur kritikëve.
Në një video mesazh në Facebook, sqaron se Shqipëria sipas tij është vendi që e ka hapur ekonominë më shumë se çdo shtet tjetër.
Rama u shfaq online duke iu përgjigjur kritikëve që e quajnë komunist apo legen.
“Lexoj shqetësime reale, por edhe dokrra dhe fyerje. Nuk kam problem me fyerjet, e dija që në fillim. Mos luani me zjarrin që do na digjte. Ndërkohë që ne po hapemi është shqetësuese që flitet pa lidhje. Jemi vendi me numrin më të ulët të vdekjeve për 1 milion banorë, jemi vendi me numrin më të ulët të shtretërve të zënë me paciente dhe me numrin më të ulët të atyre që përdorin respiratorë.
Ju që më thoni o legen, o pasha, o komunist, duhet të dini se ne e kemi hapur ekonominë më shumë se çdo shtet tjetër”,- tha ndër të tjerët kreu i qeverisë.
/a.r
