Lidhja e Donaldit me Borën përfundoi, lidhja e Trixës me Donaldin përfundoi, “Big Brother VIP” po ashtu përfundoi. Mirëpo, thumbat e Beatrix-ës duket se ende s’do të kenë një fund.
Pasi iu kthye hapur Bora Zemanit në Ditën e Gënjeshtrave, Trixës ende s’i del inati.
Së shpejti ajo do të promovojë këngën e re dhe me atë rast, hodhi dhe një thumb tjetër për Borën dhe Donaldin. Në llogarinë e saj në Twitter, Beatrix shpërndau shprehjen e komentit të saj të vjetër në postimin e Borës dhe Donaldit (kur ata u ritakuan brenda BBV ndërsa Beatrix ende nuk ishte bërë banore).
“Komshinjtë e kujt do çmenden këtë javë?”- shkruan Trixa në postim.
Mirëpo publiku nuk e ka pritur edhe aq mirë këtë deklaratë, duke e kritikuar se po përdor diçka të pahijshme për të tërhequr vëmendjen për interesat e saj.
Nuk kemi pasur asnjë reagim direkt nga Donaldi apo Bora për të gjitha ngjarjet që ndodhën kësaj kohe, po ashtu Beatrix ka zgjedhur të mos japë asnjë deklaratë publike.
Por, veprimet e fundit të Trixës tregojnë se ajo vazhdon të jetë e ‘shqetësuar’ nga dyshja Donald-Bora.
/b.h
