Komisioni Parlamentar i Sigurisë ka miratuar së fundmi ndryshimet ligjore që i japin SHÇBA-së kompetencën për të kryer Vettingun në Polici.
E ndërsa Komisioni i jashtëm i Vlerësimt me 50 anëtarë do të kalojë në sitë zyrtarët e lartë me grada të rëndësishme në polici.
Kujtojme se propozimi që Vettingun e policëve dhe gardës ta bëjë Shërbimi për Çështjet e brendshme dhe Ankesat ishte i ministrit të Brendshëm Sandër Lleshi.
Kjo do të thotë se me ndryshimet e reja, do jetë komisioni i Jashtëm i Vlerësimit që do të kalojë në sitë rreth 250 punonjës të gradave të larta, ndërsa SHÇBA do kryejë procesin e Vettingut për efektivët e policisë.
Diskutimet për ndryshimet në ligjin e mëparshëm të Fatmir Xhafajt për vettingun në polici sollën debate mes deputetit Myslim Murrizi dhe ministrin e Brendshëm Sandër Lleshaj.
Komisioni i jashtëm i vlerësimit, që do të hetojë efektivët e gradave të larta, përmban 50 anëtarë në organikë, të cilët do të kenë një pagë mujore prej 190 mijë lekë të rinj.
I pyetur nga deputeti më i ri të parlamentit nga listat e LSi, për efektet e vettingut, Ardi Veliu tha se procesi do të sjellë vakum, pavarsisht rekrutimit të punonjësve të rinj.
Pas miratimit në Komision, tashmë ligji i ri pëer vettingun në Polici pritet të dërgohet për votim në seancën plenare.
g.kosovari
