Komisioni i Etikës të premten do të mblidhet për të shqyrtuar kërkesën e Partia Socialiste për vendosjen e masave disiplinore për 29 deputetët e PD-së pas incidenteve në Kuvend. Mbledhja mësohet se do të nisë nesër në orën 09:00.
PS i ka kërkuar Komisionit të Etikës përjashtimin nga seancat duke nisur nga 10-60 ditë për 29 deputetë të PD. Sipas kërkesës kërkohet përjashtimi për 60 ditë ndaj deputetëve Klevis Balliu dhe Flamur Noka.
Përjashtim për 30 dite është kërkuar ndaj deputetes Elda Hoti, Gazment Bardhit dhe Sali Berishës. Përjashtimpër 10 ditë ndaj deputetëve Besart Xhaferri, Xhelal Mziu, Bledjon Nallbati, Luçiano Boçi dhe Saimir Korreshi. Në listë për përjashtim 10 ditë janë edhe Edi Paloka, Ina Zhupa, Klodiana Çapja, Oerd Bylykbashi, Enno Bozdo, Tomorr Alizoti, Ivi Kaso, Gent Strazimiri, Luan Baçi, Bledi Himçi, Greta Bardeli, Manjola Luku, Flamur Hoxha dhe Kliti Hoti.
