Komisioni i Etikës pranë FIFA-s ka tërhequr akuzat për korrupsion ndaj ish-kreut të UEFA-s, Mishel Platinisë. Lajmi konfirmohet nga mediat italiane të cilat citojnë avokatët e francezit. Një vit më parë ky komision kërkoi pezullim të përhershëm për Platininë, lidhur me akuzat për përfitimin e 2 milionë frangave në vitin 2011 nga ish-kreu i FIFA-s, Sep Blater.
Ky i fundit e kishte paguar Platininë me shumën e lartpërmendur për konsulencën e dhënë në vitet 1999-2002. Pas këtyre akuzave Platini u pezullua bashkë me Blaterin për 6 vite nga aktivitetet sportive.
Të dy ish-zyrtarët e lartë bënë apel në TAS dhe të premten pritet të mbahet seanca e dëgjesës ndaj francezit. Panorama sport
