Komisioni i Disiplinës i FSHF-së ka bërë të qartë se nuk do të tolerojë më vonesat në shlyerjen e detyrimeve të Flamurtarit, duke i vendosur një afat prej 30 ditësh klubit për t’i shlyer. Në vendimin e dalë sot nga ky organ disiplinor, i kërkohej klubit të bënte pagesën e prapambetur ndaj ish-trajnerit Ernest Gjoka, në të kundërt, pas përfundimit të këtij afati, do të fillonte zbritja e pikëve në klasifikim.
Ndërkaq, Gjoka nuk ka dalë plotësisht i kënaqur nga mbledhja e sotme e Disiplinës, pasi ai është gjobitur me 100 mijë lekë dhe është pezulluar për dy ndeshje, për shkak se ka protestuar kundër vendimeve të gjyqtarëve në takimin e Kukësit ndaj vlonjatëve në mesjavë.
Gjithashtu, siç është bërë e zakonshme tashmë, Disiplina ka shpërndarë gjoba për klubet e Skënderbeut, Tiranës dhe Flamurtarit, për sjelljen e gabuar të spektatorëve, duke i paralajmëruar për përshkallëzim të masave në rast përsëritje.
Vendimet e Komsionit të Disiplinës
1.KF “Skënderbeu”, për sjellje të gabuar të spektatorëve, në bazë te Nenit 66/1 të KDS, dënohet me gjobë në masën 100.000 (njëqindmijë) lek.
2.KF “Tirana”, për sjellje të gabuar të spektatorëve, në bazë te Nenit 66/1 të KDS, dënohet me gjobë në masën 50.000 (pesëdhjetëmijë) lek si dhe paralajmërohet se në rast përsëritje do të përshkallëzohen masat e dënimit.
3.Zyrtari i KF “Kukësi”, Ernest Gjoka, për proteste ndaj vendimeve te arbitrit, ne baze te Nenit 56/1/a, dënohet me gjobe ne masën 100.000(njëqindmijë) lek dhe pezullohet nga aktiviteti për 2(dy) ndeshje.
4.KF “Flamurtari”, për sjellje të gabuar të spektatorëve dhe dështim ne përmbushjen e përgjegjësive , në bazë te Nenit 66/1 dhe 65/1 të KDS, dënohet me gjobë në masën 100.000 (njëqindmijë) lek si dhe paralajmërohet se në rast përsëritje do të përshkallëzohen masat e dënimit.
5.Lojtari i KF “Iliria”, Niku Vocaj, për sjellje të keqe ndaj zyrtareve te ndeshjes, ne baze te Nenit 49/1/a, dënohet me 4(katër) ndeshje pezullim nga aktiviteti.
6.Zyrtari i KF “Besa”, Ndricim Kashami, për proteste ndaj vendimeve te arbitrit, ne baze te Nenit 56/1/a, dënohet me gjobe ne masën 100.000(njëqindmijë) lek dhe pezullohet nga aktiviteti për 2(dy) ndeshje. Ne aplikim te Nenit 136/1/a, masa e gjobës reduktohet me 50%.
7.Lojtari i KF “Erzeni”, Sulejman Hoxha, për sjellje te keqe ndaj kundërshtarit me loje te rende, ne baze te nenit 48/1/b, dënohet me 3(tre) ndeshje pezullim nga aktiviteti.
8.Zyrtari KF “Beslidhja”, Gledis Lani, për proteste ndaj vendimeve te arbitrit, ne baze te Nenit 56/1/a, dënohet me gjobe ne masën 100.000(njëqindmijë) lek dhe pezullohet nga aktiviteti për 2(dy) ndeshje. Ne aplikim te Nenit 136/1/a, masa e gjobës reduktohet me 50%.
9.KF “Sopoti”, për dështim ne përmbushjen e përgjegjësive, ne baze te Nenit 65/1 te KDS , dënohet me gjobe ne masën 50.000 (pesëdhjetëmijë) lek. Ne aplikim te Nenit 136/1/a, masa e gjobës reduktohet me 50%.
10.Zyrtari i KF “Olimpik” U-17 , Albert Bozhani, për sjellje jo sportive ndaj zyrtarit te ndeshjes, ne baze te Nenit 49/1/a, dënohet me 4(katër) ndeshje pezullim nga aktiviteti.
11.Pranimin e kërkesës se ish zyrtarit Ernest Gjoka. Detyrohet FK “Flamurtari” te ekzekutoje vendimet përkatëse te DHKZK brenda një afati 30 ditor, duke nisur nga data e shpalljes se vendimit. Paralajmërohet FK “Flamurtari”, se me kalimin e afatit 30 ditor, do te merren masat përkatëse ne baze te Kodit te Disiplinës Sportive: Zbritje e pikëve nga klasifikimi. /panoramasport/
