Tashmë është e konfirmuar. Ndërsa ëndrra e Kombëtares shqiptare të futbollit ka përfunduar, ekipi pritet të mbërrijë të enjten në Rinas në 17:00. Në një postim në Facebook, kryeministri Edi Rama e cilëson si një kapitull fantastik të futbollit shqiptar pjesëmarrjen e kuqezinjve në Kampionatin Europian.
“Sapo u mbyll kapitulli më fantastik i futbollit shqiptar dhe pas një eliminimi për arsye të golaverazhit, misioni kuqezi në EURO2016 kthehet nesër në atdhe rreth orës 17.00. Le t’u dhurojmë heronjve tanë një festë të paharrueshme mikpritjeje, në shenjë mirënjohje e respekti për kontributin e tyre të jashtëzakonshëm për fanellën dhe imazhin e Shqipërisë “ – shkruan Rama.
***
Shpresat e kuqezinjve për të vazhduar kompeticionin në Euro 2016 ka marrë fund pas barazimit Hungari-Portugali me rezultatin 3 me 3.
Pas fitores me Rumaninë, kombëtarja jonë shpresonte në një kualifikim për fazat e mëtejshme si një nga treshet më të mira të 6 grupeve, por ndeshjet pasuese mes grupeve të mbetura nuk ishin favorizuese.
Shqipëria shënoi një rekord historik duke u futur për herë të parë në një kampionat Europian futbolli. Edhe pse në një grup të vështirë kombëtarja kuqezi arriti të lërë pas në renditje rumunët, ndërsa tashmë djemve të De Biasit u duhet të bëjnë gati valixhet. Sipas informacioneve, Kombëtarja pritet të mbërrijë nesër në orën 17:00 në Rinas.
Tifozeria shqiptare ka qenë gjatë gjithë kohës në qendër të vëmendjes si për dekorin, ashtu edhe për performancën e rregullt dhe sjelljet e qeta të saj në Francë.
***
Ndeshja mes Hungarisë e Portugalisë ka përfunduar me rezultatin 3-3, një rezultat që nuk favorizon edhe kësaj here kualifikimin e Shqipërisë.
……….
Çmenduri në ndeshjen mes Hungarisë dhe Portugalisë! Ndeshja është në minutën e 63’ dhe deri më tani janë shënuar 6 gola. Kjo sfidë spektakolare është dhe në sytë e të gjithë tifozëve kuqezi pasi një fitore e Hungarezëve do t;i jepte shanse Shqipërisë për tu kualifikuar.
Zoltan Gera i perfaqesueses hungareze ka shenuar gol ne porten e Portugalise ne minuten 19. Por ka barazuar në fund të pjeses se pare Nani për portugezët. Me fillimin e pjesës së dytë Hungarezët kanë shënuar sërish përmes Dzsudzsak në minutën e 47’. Festa është “prishur” nga një gol spektakolar i Cristiano Ronaldos, i cili shënoi përmes një finteje, në minutën e 49’.
Golat nuk kanë të mbaruar teksa pak minuta më pas hungarezët dalin përsëri në avantazh me Dzsudzsak në të 54’… por është po prap Ronaldo ai që barazon me një goditje me kokë në minutën e 62’.
