Trajneri i kombëtares shqiptare të futbollit, Edi Reja do ta nis me ndryshime rrënjësore aventurën te kuqezinjtë.
Italiani do të debutojë në stolin e kombëtares sonë në ndeshjen e 8 qershorit kundër Islandës dhe tre ditë më vonë do të mas forcat me Moldavinë në “Elbasan Arena”.
Reja do të thërrasë në ekip mbrojtësin e Cosenza, Kastriot Dermaku. Numri 1 i stolit dhe stafi i tij ka nisur nga puna për të pikasur futbollistët që i duhen për dy takimet e radhës.
Emri që do të grumbullojë tekniku italian nuk u preferua nga tekniku i mëparshëm i kombëtares, Christian Panuçi për dy takimet e para, ndaj Turqisë dhe Andorës.
Mbrojtësi është pëlqyer nga 73 vjeçari dhe stafi i tij i ngushtë për dy takimet e ardhshme, me Islandën dhe Moldavinë. Dermaku ka zhvilluar një sezon fantastik me Cosenza dhe ka oferta nga disa klube Europiane.
