Në Marsejë më 23 shtator ekspozita “Shqipëria, 1207 km lindje” do të çelet në muzeun Mucem në sallën e godinës Georges-Henri Rivière prej 300 m2 në Fort Saint-Jean.
Ekspozita është e hapur nga data 24 shtator 2016 deri më 3 janar 2017.
Ndërkohë Ministia e Kulturës, që ka konfirmuar lajmin, ka shpallur edhe emrat e artistëve pjesëmarrës dhe programin e këtij aktiviteti, në të cilin përfshihet edhe një bisedë e Ismail Kadaresë dhe personaliteteve të skenës artistike shqiptare, me temën e ekspozitës për çështje të shoqërisë dhe të aktualitetit.
Në këtë ekspozitë marrin pjesë: Artistët e rinj të Sallonit të Tiranës 2015 Endri Dani, lindur më 1987 në Shkodër Yllka Gjollesha, lindur më 1985 në Dibër, Ilir Kaso, lindur më 1982 në Përmet Leonard Qylafi, lindur më 1980 Ermela Teli, lindur më 1981 në Tiranë Driant Zeneli, lindur më 1983 në Shkodër Fani Zguro, lindur më 1977 në Tiranë, Enkelejd Zonja, lindur më 1979 në Fier. Por bashkë me ta janë edhe Anri Sala, Adrian Paci, Alban Hajdinaj, Zef Shoshi dhe Edit Pula. (b.an)
