Të gjithë abonentët do t’i nënshtrohen kontrollit të matësave të energjisë elektrike, një proces periodik, që siç shpjegon OSHEE, kryhet 1 herë në 5 vite për konsumatorët familjarë dhe 1 herë në 3 vite për bizneset private.
“Janë kompani të licencuara nga Drejtoria e Metrologjisë dhe e Kalibrimit që e kryejnë këtë shërbim. Nënvizoj se nuk ka kosto shtesë për qytetarët. Verifikimi periodik i sistemit të matjes është një kosto që e mban OSHEE”, thotë Albana Ferraj, zyrtarë i OSHEE.
OSHEE sqaron edhe rastet kur ky proces mund të ketë kosto për qytetarin.
“Nqs konsumatori dyshon që matësi i tij është jashtë klasit, paraqitet tek sportelet, e OSHEE për të bërë një kërkesë për kolaudim matësi. Në rast se del jashtë klase d.m.th dyshimi eshte real, nuk paguan në sportel. Nëse nuk del real, koston e paguan qytetari”, thotë Ferraj. OSHEE sqaron se tarifa që paguan qytetari në këtë rast është rreth 1000 lekë.
ma.me
