Çështja e mandatit të “Kokëdhimës” rikthehet edhe një herë në Gjykatën Kushteuese. Kuvendoi me 116 vota pro, 2 kundër dhe 1 absteim, ka votuar në favor të gjykimit të mandatit të deputetit të PS-së Koço Kokëdhima në Gjykatën kushtetuese. Sipas PD-së, që është edhe nismëtare e kësaj çështje deputetit Kokëdhima duhet ti hiqet mandate, pasi ai ka përfituar fonde publike, duke qenë njëherësh edhe deputet. Këto akuza janë hedhur poshtë nga Kokëdhima në fjalën e tij para deputetëve, duke theksuar se ato janë shpifje të rënda dhe pa asnjë bazë.
Debati për mandatin e Koço Kokëdhimës, për tu rikthyer në Gjykatën Kushtetuese ka bërë që PD-ja të rikthehet në Kuvend. Kokëdhima në fjalën e tij përpara deputetëve ka lëshuar akuza mjaft të ashpra mbi ish- kryeministrin Berisha, duke e akuzuar atë jo vetëm si kryekusar të Shqipërisë, por se mbi të rëndojnë edhe akuza mjaft të rënda për vrasje dhe grabitje. Sipas tij, të gjitha akuzat mbi të janë vetëm shpifje dhe pjellë e fantazis së një “kufome politike”, siç e ciësoi ai Berishën.
“Çdo ditë kam qenë në shënjestër të Saliut. Kanë bërë shpifje pa fund. Saliu me të vetët nuk e përdorin shpifjen thjeshtë vetëm për mua. Ata e përdorin shpifjen për këdo. Për të gjithgë socialistët dhe deputetët sa herë u jepet mundësia. Rasti im është më i dukshëm për shkak se dhe Saliu me të vetët e vlerëson rolin e punën time si një pengesë për të, atje ku drejtoj unë drejtoj në qarqet Vlorë e Gjirokastër. Po të them siç të thashë dhe për zgjedhjet vendore, do dalësh 5 me 0. Në Vlorë do dalësh gjysmak. Do të zvogëlohesh do plakesh e do mpakesh”, ka nënvizuar Kokëdhima.
Ai ka sulmuar Berishën si kryearkitekt të përbaltjes së tij duke e akzuar si kryekosarin më të madhë në Shqipëri. Kokëdhima ka komentuar se Berisha “është modeli më i zi në politikën shqiptare dhe se në qafën tënde varen një seri akuzash për vrasje dhe grabitje. Një i mbaruar dhe një kufomë flet për viktima”.
Deputeti socialist në fjalën e tij ka theksuar se akuzat ndaj tij për përfitim fondesh publike janë shpifje shumë të ulëta. “Më shpifjen më keni bërë dy ndere. I pari, në këtë përballje është provuar një normë e re kushtetuese në raportet mes Kuvendit dhe Gjykatës kushtetuese. Kjo normë që është prodhuar është një risi. Kjo normë do të diskutohet shumë gjatë. Kjo normë do ta ketë të përjetësuar emrin tim. Gjykimi do të sjellë dhe provojë shpifjet tuaja. Ju thatë se Gjykata Kushtetuese e ka blerë Rama. Pastaj dolët e thatë se votoi në favor tonë. Jeni qesharak. Nëse Gjykata Kushtetuese jep vendim në favor timin ju prap do dilni e do thoni se Gjyakata vendosi nën presion. Jeni tërësisht qesharak dhe thjeshtë një çetë kusarësh”, ka deklaruar Kokëdhima.
(javanews.al) Me. Ar
