Deputeti Koço Kokëdhima ka thënë se PS është një derë e hapur për të rinjtë që duan të përfshihen në politikë dhe të shpalosin idetë e tyre. Ai është ndalur në punën e bërë prej tij si koordinator i rajonit Vlorë-Gjirokastër sa i përket ristrukturimit të bazës.
Në fjalën e tij, Kokëdhima tha se para procesit të ristukturimit, në rajon kishte 200 organizata më pak sesa sot.
“PS e rajonit Vlorë-Gjirokastër është trefishuar. Nga 6 mijë anëtarë aktivë që kishim, sot kemi 22 mijë të tillë. Ata janë kryesisht gra dhe të rinj të punësuar ose vetëpunësuar në biznese private. Anëtarësia socialiste është strukturuar në të gjitha organizatat socialiste” – thë Kokëdhima.
Ai theksoi se sot nuk ka më anëtarë në Organizatat Socialiste që e përdornin OS për të gjetur një vend pune apo për ta ruajtur vendin e punës.
