Një 24 vjeçar është arrestuar nga efektivët e policisë në Tiranë, pranë rrugës së “Dibrës” nën akuzën e trafikut të kokainës.
I riu është ndaluar nga patrulla teksa në makinën e tij janë gjetur dy doza kokainë. Më pas me kontrollin e kryer në shtëpinë e tij janë gjetur edhe disa municione armësh.
NJOFTIMI:
Më datë 06.01.2018, rreth orës 16:00, u arrestua në flagrancë shtetasi E.K. vjeç 24, banues në Tiranë, pasi rreth orës 11:00, në rrugën e “Dibrës”, pranë Medresesë, gjatë kontrollit të mjetit tip “Honda” Iu gjet e bllokua me cilësinë e provës materiale, 2 doza lëndë e dyshuar narkotike e llojit Kokainë, ndërsa gjatë kontrollit të banesës, ju gjetën e bllokuan 5 fishekë luftarak model 56 dhe 3 predha fishekësh luftarak model 56.