Zv.ministri i Mbrojtjes, njëherësh zv.sekretari socialist për Bashkëqeverisjen dhe Aleancat, Petro Koçi shprehet se Sali Berisha është antikomunisti i vetëm që sheh ëndrra për revolucion proletar për të marrë pushtetin.
Koçi thotë se ngritja e SPAK dhe BKH ka dobësuar motivet kryengritëse të PD, por karta e vetme në duart e tyre është Presidenti Ilir Meta, që po mundohet të kapë drejtësinë për t’i shpëtuar shkarkimit.
Postimi i plotë i Koçit:
Sali Berisha mbetet antikomunisti që sheh ëndrra komuniste me revolucion proletar për të marrë pushtetin.
Më vjen keq që Basha nuk shkëputet dot prej kthetrave të tij e ta çlirojë lidershipin e Partisë Demokratike nga krimet e së kaluarës.
Mesa duket korrupsioni i përbashkët i ka lidhur fort dhe kjo e tërheq zvarrë partinë e tyre në tentativa dhune.
Tani që SPAK dhe BKH po jetësohen, motivet kryengritëse të PD janë dobësuar.
Sepse të gjitha ndërmarrjet e dhunshme të lidershipit të Partia Demokratike kishin për qëllim destabilizimin përmbysës të procesit të ngritjes dhe funksionimit të drejtësisë së re.
Tashmë e vetmja kartë në duart e tyre është Presidenti i Republikës që po mundohet të pengojë sa mundet këtë drejtësi dhe të kapë Gjykatën Kushtetuese për t’i shpëtuar shkarkimit.
Falë këmbënguljes perëndimore të gjithë ata që u përpoqën të ndalin reformën në drejtësi dështuan.
Kjo edhe sepse mazhoranca s’pati asnjë dilemë në mbështetjen e këtij projekti shpëtimtar për Republikën.
Ilir Meta është ushtari i fundit i Sali Berishës për të dobësuar veprimin e drejtësisë së re mbi krimet dhe korrupsionin e tij.
g.kosovari
