Deputeti i PS-së Erion Braçe deklaron se e ardhmja e koalicionit është ndikuar shumë në 4- 5 javët e fundit dhe krerët e dy partive duhet të ulen të diskutojnë hapur pa mbajtur asnjë rezervë sy më sy dhe të vendosin për të ardhmen.
Në një intervistë për Ora News deputeti Erjon Braçe deklaron:
“E ardhmja e koalicionit është ndikuar shumë nga kjo marrëdhënie, e krijuar veçanërisht gjatë këtyre 4- 5 javëve të fundit. Pa diskutim, ka lënë shenjë e gjitha kjo marrëdhënie në mirëqënien e koalicionit.
Por natyrisht që i takon krerëve të dy partive politike të koalicionit, kryesore në vend, që të ulen dhe të diskutojnë hapur, pa mbajtur asnjë rezervë, sy më sy dhe natyrisht të vendosin për të ardhmen e këtij koalicioni.
Është shumë e rëndësishme që ky diskutim të jetë i hapur, i ndershëm mbi të gjitha, i drejtë sepse këto janë tre parimet për cilat kemi votuar dhe unë brenda partisë time këtu e tre viteve e gjysmë të shkuara.
Natyrisht që duhet një vlerësim i plotë se çfarë ka ndodhur gjatë këtyre viteve sa përpara kemi ecur në këtë marrëdhënie koalicioni dhe pa asnjë problemi në fund fare të merret një vendim shumë i qartë”.
Skeptik, marrë shkas dhe nga prishja e koalicionit mesnatën e së mërkurës, Braçe tha se shpresobte të mos kishte probleme deri në orën 21:00 kur është caktuar seanca parlamentare për të miratuar draftet e ndryshimeve kushtetuese. Braçe paralajmëroi votën kundër “edhe ndaj vullnetit të grupit nëse ka një çedim në veting”
