Teksa la të hapur mundësinë e një koalicioni në zgjedhjet e ardhshme vendore, drejtuesi politik i qarkut të Vlorës, Blendi Klosi deklaroi se PS aleancën e ka me qytetarët.
I ftuar në “Radari Informativ” në ABC me gazetaren Juli Xhokaxhi iu përgjigj deklaratës së kreut të PDIU-së, Shpëtim Idrizi i cili i la të hapura kartat për një koalicion me PS.
Xhokaxhi: Shpëtim Idrizi (kryetari i PDIU) u shpreh i hapur që kartat janë në tryezë për çdo koalicion, përfshirë edhe PS.
Klosi: PS është një parti shumë e madhe e cila ka një votë aq të madhe, e cila na bëri në 2021 ta shprehnim aleancën tonë të madhe. Aleancën ne e kemi me qytetarët. Ne duam shumë që në çdo garë elektorale të jemi me qytetarët. Pastaj kush pranon programin e PS-së, parimin mbi të cilin krijohet ky program… Ne në gara të fituara i kemi mundur veç e veç, kur kanë qenë të fortë, kur kanë qenë të dobët.
/a.r
