Në rubrikën e përjavshme “ Dosjet e nxehta dhe kallzimet penale të Kontrollit të lartë të shtetit”, emisioni “Java” në RTSH njoftoi mbrëmë se KLSH dhe Prokuroria e Tiranës do të përballën në fillim të jëvës së ardhshme në gjykatën e Tiranës për tenderin e dhënies me konçension të një siperfaqeje toke 101, 2 ha në Spitallë të Durrësit për ndërtimin e një impianti ferrokromi.
KLSH, në bazë të auditit për këtë tender, ka bërë në datë 10.12.2017 kallzim penal ndaj pesë anëtarëve të Komisonit të Vlerësimit të Ofertave pranë ish Ministrisë së Zhvillimit Ekonomik, Turismit, Tregëtisë dhe Sipërmarjes. Ata akuzohen për veprën penale të shkeljes së barazisë në tendera dhe ankade publike. Raporti i KLSH-së liston me hollësi ato që ai i vlerëson si shkelje në funksion të favorizimit të njërës prej firmave pjesmarrëse. Një fakt i çuditshem është se në vleresimin përfundimtar katër anëtarë të Komisionit kanë dhënë vlerësim për të gjithë zerat që përmban oferta, dy prej tyre kanë dhënë vlerësime të pjeshme duke lënë pa pikë dy zëra, tre prej anëtarëve nuk kanë bërë bërë vleresim fare.
A mund të quhet i ligjshëm një vlerësim i tillë ? Logjika elementare të thotë jo, përndryshe komisioni bëhej jo me nëntë por me katër anëtarë”, tha mbrëmë analisti Preç Zogaj në emisionin “Java”, duke shtuar se “ata që nuk doniin të jepnin vleresime duheshin zevendësuar për t’i dhënë legjitimitet tenderit”.
Kallzimi i KLSH, siç ka ndodhur e ndodhur disa herë, është mbyllur nga Prokuroria e Tiranës. KLSH është kundërpërgjigjur duke berë ankim në Gjykatën e faktit në Tiranë. KLSH dhe Prokuroria e Tiranës do të përballën për herë të parë në gjykatë për ankadin e Spitallës. Emisioni “Java”, që ndjek prej disa muajsh fatin e kallzimeve dhe rekomandimeve të KLSH-së, theksoi mbrëmë se Prokuroria ka pyetur vetëm katër anëtarë të Komiisionit të Vlerësimit të Ofertave dhe ajo që bie në sy nga pyetja e tyre është fakti i deshmive identike, copy paste, që ata kanë dhënë. Mbi këto dëshmi identike prokurori i çeshtjes ka mbyllur hetimin. “As strofat e poemës së mirënjohur të Naim Frashërit “ Bageti e Bujqësi”, katër vetë nuk i thonë dot njëlloj deri edhe me tre pikat e retiçencës, siç ka ndodhur me dëshmitë e marra nga Prokuroria e Tiranës për ankandin e Spitallës”, tha Zogaj. Gjykata do të shprehet javën e ardhshme.
