Ministri i Mirëqënies Sociale dhe Rinisë, Blendi Klosi, njekohesisht Sekretar Organizativ i PS-se, pershendeti përfshirjen e të rinjve në Partisë Socialiste, në aktivitetin përmbyllës të kampit veror të FRESSH ne Jale.
“Ne jemi forca më demokratike në vend, ndaj vendimi juaj për t’iu bashkuar PS, është vendimi më i drejtë. Ne ndryshojmë kryekeput nga kundeshtari ynë politik. Ne jemi partia e reformave, ne jemi partia që besojmë në shtet dhe po bëjmë shtet. Këtë po e bëjmë për të gjithë shqiptarët, jo duke i ndarë ata në të majtë dhe të djathtë. Ky është ndryshimi mes nesh dhe PD”, tha Klosi.
Në përgjigje të debatit për shifrat e punësimit, ministri Klosi vuri në dukje se qasja ndaj papunësisë është krejtësisht e ndryshme nga qeverisja e PD, ku sipas tij, është 5-fishuar fondi i nxitjes së punësimit.
“Jane 5- fishuar fondet e nxitjes së punësimit. Jemi pranë përmbushjes së premtimit për 300 mijë vende pune në mandatin e parë qeverisës. Po punohet në disa drejtime si, me vënien në funksionim të plotë të zyrave të punës, me rritjen e arsimit profesional, me ofrimin e kualifikimit falas”, tha ai.
Më tej, ai shtoi se shtresat në nevoje subvencionohen dyfish që prej tre vitesh. Sipas tij, në fund të mandatit premtimi elektoral për 300 mijë vende pune, do të jetë i permbushur.
“220 mijë punonjës kontribuojnë sot në skemen e sigurimeve shoqerore. Kjo është një arritje madhore e kesaj qeverie”, përfundoi ministri Klosi.
