Ministri i Turizmit dhe Mjedisit, Blendi Klosi prezantoi aksionin e gjerë 6-mujor për pastrmin e vendit. Ai dha edhe një përgjigje për kritikët dhe skeptikët për këtë aksion ndërsa tha mes të tjerash se ndotja ëhstë problem botëkuptimi, masash e legjislacioni të munguar.
“Skeptikët dhe nihilistët janë të shumtë ngado dhe sot, unë nuk dua të replikoj me asnjë nga ata se i mirëkuptoj të gjithë, kanë boll arsye që të mos besojnë se ndotja e trashëguar në vite mund të pastrohet dhe të ndryshojë mentaliteti i popullit. Por nga ndarja e detyrës në sektorë do doja që nga sot ne të fillojmë një kuptim tjetër të gjithë kësaj historie, ndotja nuk është as pasojë e kulturës shqiptare, por vakum i plotë masash, legjislacioni, botëkuptimi”- tha ai.
Më tej ministri tha se shqiptarët në banesat e tyre janë të gjithë të pastër, duke shtuar se pikërisht kjo do të kërkohet edhe në ambjentin e përbashkët. “Shqiptarët në shtëpi janë të gjithë të pastër, do donim që mes aksionit 6 mujor të krijomë në ambient pastërtinë që ne kemi brenda shtëpisë”- tha ai.
Klosi foli edhe për një afat lidhur reduktimin e qeseve plastike të pariciklueshme.
“Brenda datës 1 janar të vitit 2018 do mundësojmë reduktimin në maksimum të qeseve të pariciklueshme që janë të përcaktuara qartë në ligj”./a.m.
