Ministri i Mirëqenies Sociale dhe Rinisë, Blendi Klosi gjatë inspektimit të procesin të testimit të punonjësve të shërbimit social tha se të gjithë ata që nuk do të kalojnë testimin i cili do të vlerësojë standardet dhe aftësitë e tyre, do të largohen nga puna.
“Në kuadër të këtyre tezave do të rivlerësojmë të gjithë personelin prej 394 edukatorësh dhe profesionistësh. Do të ketë një vlerësim shumë rigoroz, të pavarur nga institucionet e ministrisë dhe të Shërbimit Social Shtetëror, por e gjitha e vlerësuar nga ekspertët dhe ata që nuk rifitojnë konkursin do të largohen nga ky shërbim. Natyrisht do të kërkohet që kjo të jetë brenda rregullave”, tha Klosi.
Klosi foli gjithashtu edhe për dhunën në kopshte duke theksuar se do të ketë tolerancë 0 ndaj këtij fenomeni.
“Punonjësit socialë që shërbejnë në këto qendra ashtu siç ka përgjegjësi të mëdha, duhet të këtë edhe mbrojtje më të madhe, të ketë një status më të fortë të mbrojtur nga ligji. Jemi për tolerancë zero karshi çdo rasti dhunë në qendrat e për kujdesit social.
Ky është viti i dytë që ministria e Mirëqenies Sociale realizon një testim të punonjësve të institucioneve që ofrojnë kujdes social në të gjithë vendin./a.m.
