Arsimi profesional vijon të jetë një prej prioritetet bazë të mazhorancës së majtë sa i takon kualifikimit të të rinjve.
Ministri i Mirëqënies Sociale dhe Rinisë, Blendi Klosi,gjatë Konferëncës për Punësimin e të Rinjve, nënvizoi sërish si mjaft të rëndësishme, drejtimin e të rinjve drejt arsimit profesional, si mundësi për punë.
Ai ofoi mbështetje për të gjitha kompanitë të cilat kërkojnë punësimin e të rinjve.
“Qeveria Shqiptare mbështet çdo kompani që kërkon punësimin e të rinjve. Ne kemi bërë shumë pak nga ato që duhet të kishim bërë. Ndaj, për qeverinë shqiptare, çelësi i kësaj pune është formimi profesional, duke I dhënë të rinjve një punë të denjë. Programi i qeverisë 2013-3017 ka në qëndër stratëgjinë e punësimit te të rinjve. ku çdo profil t’i shërbejë tregut të punës. Ne dimë që kompanitë kanë nevojë për punonjës të kualifikuar, me rroga të larta”, nënvizoi Klosi.
Ministri deklaroi më tej se posedimi i një profesioni është mundësi për të qenë konkurues dhe ka më shumë mundësi për një të ardhme në shqipëri, për të rinjtë.
“Për t’i ardhur në shërbim qytetarëve këtë vit do të riorganizojmë zyrat e punësimit, inftrastrukturën duke rritur informacion për tregun e punës. Është e pafalshme mungesa e informacionit në këtë epokë teknologjike. Mbi bazën e kërkesave që kërkojnë kompanitë, do të duhet të kualifikohen edhe të rinjtë” shtoi ministri Klosi.
Në këtë aktivitet ishte i pranishëm edhe Kryetari i Dhomës së Tregtisë, Nikolin Jaka i cili tha se është e rëndësishme të kuptohet roli i seicilit në tregun e punës.
“Është shumë e rëndësishme të kuptojmë rolin që kemi në tregun e punës. Fatkeqësisht, në Shqipëri nuk ka qënë në nivelin e duhur trajnimi që u është ofruar të rinjve, për t’u punësuar më pas. Prandaj na duhet trajnimi i të rinjve, për t’iu përgjigjur kërkesave të tregut. Ajo çka është e rëndësishmë, është jo vetëm punësimi i të rinjve por edhe koordinimi i saktë i kërkesës së punëskërkuesve me tregun e punës. Ne tashmë duam që ti gjejmë punës, personin e duhur”, u shpreh Jaka.
