Ministri i Mirëqenies Sociale dhe Rinisë, Blendi Klosi, deklaroi sot se Shqipëria duhet të hiqet nga harta e vendeve që ofron vetëm punë të lirë dhe duhet të ofrojë punonjës të kualifikuar.
Klosi e bëri deklaratën në takimin mbarëkombëtar me biznesin turk, ku tha se “ajo që duhet bërë është ndryshimi i raportit të punës për të të kthyer 80% të njerëzve të gatshëm për tregun e punës.
“Kemi nevojë për punonjës të kualifikuar. Ne duhet të ndryshojmë kryekëput raportin që kemi me zyrat tona të punësimit dhe këtu organizatat janë shumë të nevojshme. Nuk duhet të kemi vetëm zyra pasive që mbledhin vetëm vërejtjet e qytetarëve, por duhet të kemi zyra që bëjnë negociata. Të përmbysim raportin, nga raporti që janë 80% pasiv dhe 20% aktiv, ta rikthejmë raportin, të paktën të jemi 80% e njerëzve që kërkojnë punë të jenë të gatshëm për tregun e punës, të hapim vende të reja pune”, tha Klosi.
“Duhet ta fusim Shqipërinë në hartën e vendeve që ofron dhe formon punonjës të kualifikuar, kjo është detyra jonë e madhe. Duhet ta ndryshojmë kryekëput raportin e tregut tonë të punës me tregun europian të punës. Dhe ka një zgjidhje që është arsimi profesional”.
ATSH
