Jurgen Klopp ka mbetur i zhgënjyer me orarin e ndeshjeve në Premierligë
Liverpooli do të luajë në natën e vitit të ri me Manchester Cityn, derisa me 2 janar do t’i shkojë Sunderlandit, ashtu siç do të bëjnë gjitha skuadrat angleze – që do ti zhvillojnë dy ndeshje brenda dy ditëve, përcjell Gazeta Express.
Kjo nuk i ka pëlqyer aspak trajnerit të ‘Redsave’, Jurgen Klopp, i cili mendon se përveç rezultateve të dobëta që mund të marrësh këto dy ndeshje për shkak të kohës kaq të shkurtër, mund të lëndohen edhe shumë lojtarë.
“Do të kemi dy ndeshje brenda 48 orëve dhe besoj se do të ketë lëndime, derisa disa persona do të reagojnë në rrjetet sociale me shkrime të ndryshme”, tha Klopp duke iu referuar gazetarëve, të cilët bëjnë postime të ndryshme pas dështimeve të skuadrave.
Klopp mendon se për t’i përballuar këto dy ndeshje brenda dy ditëve, më së miri është që të bëhen shumë ndërrime, teksa e ka pranuar se këto mund të qojnë në humbje të pikëve, citohet “Express”. (b.an)
