Lënia e bakshishit është një “rregull” i pashkruar. Nuk është detyrim por është një ndjesi morale e klientëve që të lënë diçka për kamerierin që i shërben.
Shpesh herë jemi njohur me histori të çmendura kur klientë bujarë lënë bakshishe vërtetë mjaft të larta.
Një grua ruse ka lënë një shumë të çmendur bakshish në një lokal në Zyrih, por duket se e ka bërë këtë veprim pa dashje.
Olesya Shemyakova, sipas “LadBible”, kur shkoi të paguante me kartë krediti, gabimisht vuri kodin e saj PIN në vend të shumës që dëshironte të linte bakshish.
Në këtë mënyrë ajo gaboi duke lënë plot 5000 euro bakshish.
Pronari i lokalit, Cengiz Gokduman ka thënë se gruaja do t’i marrë mbrapsht të gjitha lekët që la gabimisht bakshish, por ajo nuk ëhstë kthyer te lokali./a.m.
