Ministri për Evropën dhe Punët e Jashtme, Ditmir Bushati ndodhet në Selanik për takimin e Tretë Ndërministror mes Greqisë, Shqipërisë, Bullgarisë dhe Maqedonisë.
Vizitën e tij në greqi Bushati e shfrytëzoi edhe për një takim me homologun grek Nikos Kotzias, me të cilin diskutuan lidhur me hapat e bëra për çështjet e pazgjidhura mes vendeve, të vendosura në tryezën e negociatave.
Ministrat shprehën vlerësimet e tyre për mbylljen me sukses të disa elementëve.
Bushati vlerësoi progresin e arritur në takimin e ekipeve negociatore javën e shkuar ndërsa u shpreh optimist për takimin e radhës që do të zhvillohet në Athinë.
Ministri Bushati bëri me dije se do të ketë një tjetër takim me homologun Kotzias për të diskutuar ecurinë e punës edhe pse Greqia është një vend i rëndësishëm strategjik për Shqipërinë dhe ka një rol të veçantë në rajon./a.m.
