Ndonëse për të gjithë, mbrëmja e 31-dhjetorit ishte festë, për familjen Gjeta nga Kurbini u kthye në tragjedi, pasi gjetën djalin e tyre të mitur Klejdi Gjeta të vrarë me një plumb qorr në tarracën e shtëpisë. Përmes një statusi në Facebook, gazetari dhe kushëriri i 16-vjecarit të vrarë, Gjergj Marku rrëfen se Klejdi ishte gëzimi i familjes dhe se nuk duhej te ishte bërë kurban i festimeve absurde.
Statusi i plotë i Gjergj Markut:
KLEJDI, nuk duhej te ishte kurban i festimeve absurde ne KURBIN
Klejdi Gjeta, 16 vjecari qe nderroi jete naten e nderrimit te viteve ne Kurbin, pikerisht prej marrezise qe manifestohet nga disa persona ne Kurbin duke “peruruar” Festen e madhe te nderrimit te Moteve me kallashnikove, nuk e meritonte kete fund.
Dhe prej faktit se familja e tij ka hequr jo pak taksirate. Nuk di si ta ngushelloj babain e tij Ndrecen, nje person aq i dashur dhe punetor (kusheri imi), qe me jete te ndershme ne kufinjte ekstreme te mbijeteses, ia kishte dale te perballonte edhe fatkeqesite dhe jo pak probleme qe e kane ndjekur familjen e madhe te tij prej vitesh.
Klejdi ishte gezimi i familjes, i shuar padrejtesisht mbi çatine e shpise kur te gjithe e prisnin ne sofren e Festes, ndersa e gjeten lart ne tarrace ne “Sofren e vdekjes” te goditur nga ndonje plumb qorr, sipas gjasave, qe derdheshin pa adrese gjithandej Kurbinit.
Kur dreqin do zeme mend si shqiptare, per te mos iu drejtuar armeve edhe per festa!
