Cana ndër 100 futbollistët më të mirë të shekullit
Kapiteni dhe lideri historik i kombëtares shqiptare Lorik Cana ka bërë një tjetër arritje personale duke u renditur në 100 futbollistët më të mirë që kanë luajtur në kampionatin francez.
Vlerësimi ndaj kapitenit të përfaqësues shqiptare është bërë nga ana e “Eurosport” në Francë, i cili e ka renditur Canën në vëndin e 81-të.
Në artikullin që “Eurosport.fr” i ka kushtuar 32-vjecarit theksohet: “Të luash me PSG-në dhe Olimpikun e Marsejës në Francë, kjo nuk është diçka e vogël. Ky është rasti i Lorik Canës. Pasi e tregoi veten me parizienët fillimisht, aty ku luante edhe Ronaldinjo, shqiptari u bë kapiteni i Marsejës. Kjo është jashtëzakonisht e rrallë. Cana ishte një prej tyre. Duhet thënë se është e vështirë për të gjetur një lojtar më të përsosur se shqiptarin, në gjendje për të lënë jetën e tij në fushën e lojës. Goli i tij në “Velodrome”, në fitoren ndaj PSG (1-0), pas tri vitesh dështimi kundër rivalit kryeqytetas, e ndihmoi Marsejën për të vënë nderin e humbur në vend“.
Në këtë renditje Cana ka lënë pas disa emra të njohur që kanë luajtur në kampionatit francez, si Marouane Chamakh, që është aktivizuar tek Bordeaux, i cili renditet i 82-ti apo portierin Peter Cech, që renditet i 89-ti, në kohën kur luante te Rennes
