Legjenda e “Formula 1”, Michael Schumacher, i cili prej një kohë të gjatë është në një trajtim shëndetësor, ka filluar të shërohet, edhe pse me ritme të ngadalta.
Schumacher është transferuar në një qendër private rehabilitimi në Gjenevë të Zvicrës.
Ish-piloti i makinave me gara, 47-vjeç, po mbahet nën vëzhgim nga 15 mjekë specialistë më në krye me profesorin, Jean Francois Payen.
Legjenda ka filluar të lëvizë, por në sajë të karrigeve me rrota dhe mjeteve të veçanta.
Sipas raporteve nga Zvicra, Schumacher është në gjendje depresive, ndërsa emocionohet kur ka pranë familjen e tij.
Kujtojmë se piloti gjerman pësoi një aksident gjatë skijimit në vitin 2013, ku kishte përplasur kokën në disa shkëmbinj dhe pas kësaj ra në gjendje kome./noa.al/.k
