Tre persona kanë humbur jetën mëngjesin e sotëm nga koronavirusi në Greqi. Mediat fqinje raportojnë se viktimat janë një 78-vjeçar, një 82-vjeçar dhe një 79-vjeçar.
Sipas informacionit paraprak, të moshuarit kishin sëmundje kronike, ndërsa infektimi nga koronavirusi rëndoi gjendjen e tyre. Numri i viktimave nga Covid-19 në shtetin grek ka shkuar në 46.
Sakaq, janë 1,146 të prekur me Covid-19 në Greqi, ku 1.080 ishin grekë dhe 66 të huaj. Për sa i përket gjinisë, mbizotërojnë pacientët meshkuj. Nga 1150 pacientë, 646 (56%) ishin meshkuj dhe 504 (43%) ishin femra.
Gati një në katër pacientë është mbi 65 vjeç. Shumica e pacientëve janë në grupmoshën 40-64 vjeç. /e.s/
