Kina është si një Perëndim i Egër i telefonave inteligjentë: të gjithë bëjnë çfarë të duan pa pasur parasysh asnjë rregull.
Një ndër to është kompania kineze Gionee, e cila nuk është shumë e njohur, megjithatë kjo nuk e pengon që ajo të eksperimentojë me teknologji të reja dhe të dalë jashtë kornizave. Gionee ka krijuar së fundmi një telefon inteligjent me kapakë dhe dy ekrane.
Gionee W909 ka dy ekrane 4.2 inç të dy IPS LCD me rezolucion 720 pikselë. Ai fuqizohet nga procesori MediaTek Helio P10 me tetë bërthama dhe 4GB RAM. Pajisja ofron gjithashtu 64GB memorie, por mund të zgjerohet nëpërmjet kartës microSD, transmeton krokodili.com.
Kamera parësore e tij është 16 megapikselë, ndërsa kamera për selfie është 5 megapikselë. Përmasat e telefonit janë 124.1 x 62.8 x 16.5 mm dhe peshon 207 gramë. Ai ka bateri me kapacitet 2,530mAh dhe një USB të tipit C. Poshtë kamerës ka një skaner të gjurmëve të gishtave.
Gionee W909 kushton 550 euro.
