Qendra Kombëtare Meteorologjike e Kinës të dielën vazhdoi të lëshojë një alarm portokalli për stuhi dëbore në disa rajone veriore, njoftoi “Xinhua”.
Deri të hënën, stuhitë e borës ka të ngjarë të godasin pjesë të Rajonit Autonom të Mongolisë së Brendshme, Hebei, Tianjin, Shandong, Liaoning, Jilin dhe Heilongjiang.
Në disa prej këtyre rajoneve, pritet të bien mbi 40 centimetra dëborë, tha qendra meteorologjike, duke këshilluar banorët të qëndrojnë brenda dhe u kërkoi autoriteteve lokale të marrin masa paraprake për rrugët, hekurudhat, energjinë elektrike dhe telekomunikacionin.
Kina ka një sistem paralajmërimi të motit me ngjyra me katër nivele, ku e kuqja përfaqëson më të rëndat, e ndjekur nga portokallia, e verdha dhe bluja.
/b.h
