Kina mirëpret memorandumin e mirëkuptimit ndërmjet Shteteve të Bashkuara e Iranit dhe vlerëson përpjekjet ndërmjetësuese të Pakistanit, vuri në dukje të hënën zëdhënësi i Ministrisë së Jashtme kineze Lin Jian.
Këshilli Suprem i Sigurisë Kombëtare i Iranit deklaroi të hënën në mëngjes që është arritur një memorandum mirëkuptimi midis Teheranit e Uashingtonit dhe se lufta e operacionet ushtarake në të gjitha frontet, duke përfshirë Libanin, kanë pushuar menjëherë e në mënyrë të përhershme.
“Kina shpreson që Shtetet e Bashkuara dhe Irani ta nënshkruajnë fazën e parë të memorandumin e mirëkuptimi sipas planit dhe që të gjitha palët e përfshira të mbeten të angazhuara ndaj zgjidhjes paqësore dhe t’i zgjidhin çështjet nëpërmjet dialogut e negociatave,” tha Lin në një konferencë të rregullt për shtypin.
Kina është e gatshme të punojë me bashkësinë ndërkombëtare për të vijuar të luajë një rol aktiv në rivendosjen e paqes e qetësisë në rajonin e Lindjes së Mesme dhe të Gjirit sa më shpejt të jetë e mundur, shtoi ai.
Memorandumi i mirëkuptimit u finalizua natës e së dielës pas negociatave të vështira dhe intensive disamujore. Dokumenti do të nënshkruhet zyrtarisht në Gjenevë më 19 qershor. Negociatat e mëtejshme ndërmjet ShBA-së dhe Iranit për një marrëveshje përfundimtare do të shtyhen derisa të dyja palët të përmbushin angazhimet e tyre sipas memorandumit të mirëkuptimit.
