Kim Kardashian ka zbuluar se ishte e para që filloi të vraponte pas Kanye Westit, duke e telefonuar atë pas martesës së saj me Kris Humphries. Në një intervistë për Access Hollywood, ka thënë se asaj gjithmonë i kishte pëlqyer reperi Kanye West.
“Unë u njoftova për herë të parë me të kur filluam të punonim së bashku me një projekt dhe menjëherë kishte shkëndija mes nesh”, ka thënë Kimi. “Por ne ishim në lidhje të ndryshme dhe qëndruam në distancë”. “Ne qëndruam në lidhje dhe pastaj kur u ndamë nga të dashurit, e dini, atëherë ishte koha që të ndodhte diçka mes nesh”. “Prita gjashtë muaj, por ai nuk më telefonoi, prandaj unë i telefonova atij dhe e pyeta se çfarë po priste, ka shtuar Kimi.
