Kryeministri Edi Rama ka publikuar pamjet nga momentet kur u prezanton zyrën e tij në Kryeministri Presidentit të Këshillit Europian, Charles Michel.
“Këtu ndodh gjithçka? Jam xheloz”- shprehet Michel teksa sheh tavolinën e punës së Ramës.
“Aty është Abraham Lincoln që lexon tëeetet e Donald Trump”- i thotë Rama dhe Presidenti i KiE qesh.
Ndërkohë, zyrtari i BE sheh dhe topin e basketbollit dhe kërkon koshin.
Por Rama i hap një derë tjetër dhe i tregon dhe koshin e basketbollit.
“S’ka mundësi”- thotë Michel teksa qesh dhe arrin të realizojë një kosh që me hedhjen e parë.
Ndërkohë Rama i ka dhuruar një libër zyrtarit të BE dhe i thotë: Ky është një libër që do të doja ta lexoje, është shumë i bukur, i shkruar nga një grua shqiptare që punon në LSE, është filozofe dhe ka shkruar një libër për fëmijërinë e saj në Shqipërinë komuniste./m.j
