Ish-drejtuesi i Policisë, Mit’hat Havari tregoi në emisionin “Arnautistan” përplasjet me Jozefina Topallin në Shkodrën e vitit 1995.
Havari tha se sulmet ndaj tij dirigjoheshin nga Berisha, ndërsa rrëfeu se si u rikthyen në punë nga PD 15 oficerë dhe policë të shkarkuar prej tij.
“Kur kam qenë unë drejtor policie shkova në Shkodër. Jozefina Topalli ishte përfaqësuese e denjë e Berishës në Shkodër.
Organizatore e banditëve të Shkodrës. Ka ardhur në zyrë, kam qenë bashkë me Sokol Baren. Sa u fut brenda pyeti kush është Havari këtu.
Për të respektuar Sokolin i thashë është zëvendësministri i Brendshëm. Tha Sokoli me të qeshur, lërë se kanë punë me ty. Sepse bënin protesta Havari, komunist. Këto i bënte mjeshtri nga Tirana. Sali Berisha është personi përgjegjës.
Në 95-ën kur kam qenë shef kabineti ish-ministri i Brendshëm më kërkoi të liroja 15 oficerë dhe policë ish-të persekutuar.
Në 97-ën kur humbi pushtetin….Kur unë kundërshtoja regjimin komunist Berisha fluturonte me avionë në botën e qytetëruar, i përkëdhelej sistemit komunist.
Asnjëherë s’e kam dashur. Kur shkova në Shkodër, të gjithë banditët që unë u komunikova lirimin nga pushteti i tyre ishin kthyer në punë. Ishte pikërisht pushteti i PD.
Me Jozefinën jam përplasur shumë ashpër, i thashë këtu mbreti i ligjit jam unë. Pse vjen nga familje e mirë jam duke punuar për Shkodrën. Aty ndodhi një përplasje e madhe janë plagosur dy punonjës të RENEA-s.
Media e Berishës më luftonte shumë. E kam ndjerë mungesën e respektit të ministrave, kryeministrave, përveç Fatos Nanos”, tha ai.
g.kosovari
