2015 ka qenë viti i pajisjeve. Marrëdhënia jonë me teknologjinë është bërë e pandashme; tani ajo është gjithçka për ne.
Ju mund ta kaloni një ditë pa partnerin tuaj, por jo pa telefonin.
Këto janë disa nga pajisjet më të mira të shpikura gjatë vitit 2015, të cilat janë shumë të nevojshme.
1. Një orë që shfaq kohën dhe momentet tuaj më të bukura
Memory Clock ruan fotot digjitale dhe i shfaq ato në të njëjtën kohë që janë shkrepur një vit më parë. Kështu, nëse jeni në dhomën e ndenjes dhe po hapni dhuratat e Krishtlindjes me familjen tuaj, ora do të shfaqë fotot që keni shkrepur një vit më parë duke hapur dhuratat.
2. Stilolapsi që transferon gjithçka që shkruani në çdo sipërfaqe në ekranin e telefonit
Stilolaps i ri inteligjent Phree ju jep mundësi të shkruani në çdo sipërfaqe dhe pastaj i shfaq automatikisht shënimet tuaja në ekranin e telefonit ose tabletit.
Ju mund të shkruani në tavolinë (ose në krahun e karriges, në kopertinën e librit, apo edhe në barkun e ndonjërit) dhe gjithçka që do të shkruani do të shfaqet tek telefoni, tableti ose kompjuteri.
3. Vazot që rriten bashkë me lulet
Ju mund të ndryshoni formën dhe madhësinë e vazos sa herë që bima rritet dhe lulëzon.
4. Pedalet inteligjente që ju lajmërojnë kur dikush përpiqet t’ju vjedhë biçikletën
Biçikleta është e pajisur me pedale inteligjente, të cilat lidhen me telefonin nëpërmjet një aplikacioni të veçantë, dhe ju njoftojnë kur dikush përpiqet t’ju vjedhë biçikletën, edhe nëse jeni shumë milje larg. Ata monitorojnë gjithashtu aktivitetin e çiklistit dhe i ruajnë të gjitha statistikat në aplikacion.
5. Kamera mbikëqyrëse më e mirë e të gjitha kohërave
Ulo është një pajisje mbikëqyrëse që duket si një buf: një buf që duhet ta keni me patjetër në shtëpi. Kamera monitoron të gjithë shtëpinë dhe i shfaq pamjet në kohë reale në telefon ose kompjuter.
6. Pjatat në formën e 50 shteteve
Pjatat kanë formën e hartës së një shteti dhe të gjitha së bashku formojnë një kontinent. Blini një shtet të vetëm (ose të gjitha) këtu.
7. Pajisja që ju ndihmon të mbani trupin drejt
Pajisja Upright ju trajnon që të mbani trupin drejt kur jeni të ulur. Ajo vibron sa herë që ju filloni të kërruseni.
8. Valixhja që zgjerohet si raft
Udhëtoni shpesh? Tani mund të merrni të gjithë dollapin me rroba me vete.
9. Pajisja që kthen telefonin në një çelës dere
Sesame është më e mirë se dryni i zakonshëm i derës. Pasi ta vendosni tek dera, ju mund të përdorni një aplikacion në telefonin tuaj për të mbyllur (ose hapur) derën. Aplikacioni ruan gjithashtu informacione sa herë hapet dhe mbyllet dera, kështu ju do të dini gjithmonë kush dhe kur ka ardhur në shtëpi.
10. Qaforja që mban qenin tuaj të sigurt
Buddy është një qafore për qentë e pajisur me drita LED dhe sistemin GPS. Kjo qafore nuk monitoron vetëm qenin duke përdorur GPS-in, por ndriçon gjithashtu, kështu mund ta shihni qenin në errësirë./krokodili.al
